Til hamingju með nýju heimasíðuna

Loksins er heimasíðan að verða tilbúin. Það hefur tekið langan tíma að fá heimasíðuna í gagnið og of langt og leiðinlegt að útskýra þá þrautagöngu. Núna hillir í góða og skilvirka heimasíðu sem við bindum miklar vonir við. Við gerum okkur grein fyrir því mikilvægi sem heimasíða er og þvi upplýsingartæki sem hún er okkur. Væntingar okkar til hennar eru miklar og sjáum við mörg tækifæri við notkun hennar í miðlun upplýsinga til foreldra samhliða því að setja upp auglýsingar á deildum og í fataklefanum. Við gerum okkur grein fyrir því að skort hefur tækifæri fyrir foreldra til að fylgjast náið með leikskólagöngu barnanna og vonum við að nú verði breyting þar á. Þá er líka settur inn linkur þar sem upplýsingar eru sendar beint til foreldra eftir deildum s.s. skilaboð og vikulegir punktrar. Deildarstjórar koma til með að sjá um þá þætti að mestu og er það góð viðbót í annars gott samstarf og samskipti við foreldra. Foreldrar geta líka sent inn sínar vangaveltur og fyirispurnir og komið með hugmyndir að starfinu.

Síðast en ekki síst er rétt að nefna myndir sem nú eru komar inn á síðuna. Leikskólinn á mikið safn mynda úr starfinu og hefur það aðeins verið birt foreldrum að hluta og við ákveðin tækifæri. Nú er ætlunin að setja inn myndir úr starfinu reglulega og hafa þær inni í 3 - 6 mánuði. Það er eindregin ósk okkar og ætlun að heimasíðan verði virkt verkfæri í samskiptum okkar við foreldra og viðbót við upplýsingarstreymi okkar á milli. Enn og aftur biðst ég velvirðingar á að ekki hafi tekist fyrr til en raun er að koma heimasíðunni í gagnið. Það er ósk mín að þið foreldrar verði upplýstari um það ánægjulega starf okkar með börnunum ykkar sem fram fer í leikskólanum og að allir njóti þess að fylgjast með í gegnum heimasíðurna. Með ósk um gott sumar til handa börnum og foreldrum vona ég að þið njótið vel.

Kær kveðja Gugga