Krílakot

Krílakot er 19 barna deild og á henni eru 12 mánaða til 2 ára börn. Börnunum er skipt í 4 hópa og hefur hver hópur sinn hópstjóra. Skipting í hópa fer eftir aldri og þroska barnanna. Börnin sitja með sínum hóp í hádegismat og í síðdegishressingu. Þau fylgja hópstjóra í skipulögðu hópastarfi, útiveru og í Lubbastund. Hópaskipting veitir okkur betri yfirsýn og börnin upplifa meira öryggi.

Hópastarfið er skipt á fjóra vegu og fer hver hópur einu sinni í viku í Lubbastund, dúkkukot, fín-, og grófhreyfingar. Fínhreyfingar felast í því að nota hendurnar og er ýmist málað, plúskubbað, púslað o.s.frv. Grófhreyfingar felast í því að nota allan líkamann, útivera, leikur inni í herbergi o.s.frv.

Í Lubbastund fara börnin inn í herbergi með sínum hópstjóra. Lubbastund er málörvun, við tökum 1-2 málhljóð í hverri viku og í lok annarinnar var tekin upprifjun á öllum málhljóðum. Við sungum lögin sem fylgdu hverju málhljóði, lásum vísuna og notuðum táknræna hreyfingu fyrir hvert málhljóð. Í Lubbastund vorum við með bangsann Lubba og í lokin fengu allir að halda á og klappa Lubba. Okkar upplifun er að Lubbi er góð málörvun, þau læra hljóðið fyrir hvern staf og táknræna hreyfingu.


Image result for lubbi